Жил жилийн хавар, элсэлтийн ерөнхий шалгалтандаа бэлтгэж байгаа сурагчдад нэгэн тодорхойгүй асуулт тулгардаг. тэр нь мэдээж МЭРГЭЖИЛ сонголт. Сүүлийн жилүүдэд нэг л их эдийн засагчид, хуульчид, санхүүчид гэж шуурдагтай адил одоо ч бас мэдээллийн технологи, бас маркетинг гэж хүмүүс их шуурч байгаа. Аль ч тохиолдолд залууст зөвлөж хэлэхэд хүн ямар ч мэргэжлийг сонгоод суралцсан бай, их сургуулийн 4 жилийнхээ хугацааг даваад, сураад төгсөнө гэдэг нь хамгаас том АМЖИЛТ. Их сургуулийн орчинд мэдлэг мэдээлэл олж, үеийн залуустайгаа хамтдаа нийгэмшиж, алдаж онож байгаа нь өөрөө их сургуулиас сурч байгаа хамгийн том ололт гэж хардаг.
Маркетингийн мэргэжлийг олгодог хэд хэдэн, бас олон сургуулиуд байна. Мэдээж Санхүү эдийн засгийн их сургууль, Монгол улсын их сургууль, Хүмүүнлэгийн ухааны сургууль, хуучнаар КТМС, ХААИС-ЭЗБС зэрэг газрууд элсэлт авч байгаа. Мэдээж төгсөөд ажлын байрны шалгуурт тэнцэх эсэх нь төгссөн сургуулиас гадна хувь хүн танаас ч их хамааралтай зүйл.
СЭЗИС, МУИС-н хөтөлбөрт хамрагдсанаар юу юу суралцахыг доорхи хэсгээс уншаарай.
Хөтөлбөрийн танилцуулга
МУИС-ийн Бизнесийн сургуулийн Маркетинг, Худалдааны тэнхимийн түүх 1959 онд Эдийн засгийн дээд сургуульд Худалдааны эдийн засгийн тэнхим байгуулагдсан цаг үеээс эхэлсэн түүхтэй. Тус тэнхимийн нэр түүхэн явцад хэд хэдэн удаа өөрчлөгдөж ирсэн боловч бизнес, эдийн засгийн дээд боловсрол олгож зах зээлийн нөхцөлд бизнесийг амжилттай хийх арга ухааныг мэргэжлийн түвшинд зааж эзэмшүүлэх мөн чанар нь хадгалагдаж ирсэн юм.
Мэдлэг, ур чадвар
- Маркетингийн үйл ажиллагааг оновчтой удирдаж, зохион байгуулах;
- Зах зээлийн эрэлт, борлуулалтыг урьдчилан таамаглах;
- Маркетингийн судалгааны арга зүйд суралцаж, бие даан судалгаа хийх чадвар эзэмших;
- Маркетингийн төлөвлөгөө, хөтөлбөрийг төлөвлөх, стратеги боловсруулах, хэрэгжүүлэх, хянах;
- Зах зээлийг хэсэгчилж, зорилтот зах зээлийг сонгох, хоногшуулалтын стратегийг хэрэгжүүлэх;
- Реклам сурталчилгааны төлөвлөлт, бодлого, хөтөлбөр, стратегийг боловсруулах;
- Компьютер, график дизайны программууд дээр ажиллаж, бүтээл хийж сурах;
- Байгууллагын рекламны иж бүрдлийн дизайныг зохион бүтээж, боловсруулан, зах зээлд таниулах үйл ажиллагааг амжилттай зохион байгуулах;
- Бүтээгдэхүүн, брэнд хөгжүүлэлт хийж, шинэ бүтээгдэхүүн бий болгох, үнэ тогтоох, идэвхжүүлэлт, борлуулалтын асуудлыг хариуцан ажиллаж бүтээлч санаачилгыг хөгжүүлнэ.
Дээрх мэдээллүүдээс нэгтгэн маркетингийн мэргэжлийн талаарх өөрийн сонголтод нөлөөлөхүйц мэдээллээ олж авсан гэдэгт итгэлтэй байна.
Comments