Өөрчлөлт бүхний эхлэл нь таа өөрөө байдаг. Өөрийгөө хайж, өөрийгөө олох чиг шугам нь та өөрийгөө сонсож, өрөөлтэй зэрэгцүүлэн бусдын амжилтыг шохоорхохоос илүүтэй, өөрийнхөө эргэн тойронд байгаа саад бэрхшээл, боломж бололцоог сайтар тунгааж, өөрийнхөө үнэ цэнийг бусдаар баллуурдуулах биш, өөрөө тод гэрэлтэх оч нь болж амьдраарай.
Мэргэжил сонголтоо хийх гэж байгаа залуус ч тэр, ажил мэргэжилдээ эзэн нь болж чадахгүй яваа мэт сэтгэгдэл төрж, эргэлдэж тээнэгэлзэх цагтаа ч тэр, өөрийг чинь бусад хүмүүс хэрхэн үнэлж, дүгнэдэгийг тэдний нүдээр, эсвэл тэдгээр чиний амжилтыг сааруулагч, чөдөр тушаа мэт нөхдийн дунд байдаг тэдний төлөөллөөр дамжуулан мэдэрч, өөрчлөлтийн төлөөх үйл хэрэгтээ урам дүүрэн тэмүүл.
Бусдын заасан чиг шугам, үнэний мөртэй юу гэдэгт хааяа ч гэсэн эргэлзэж, өөрийгөө бусдаас биш өөрийнхөө өнгөрсөн ба одоо, ирээдүйгээс хай. Чадахгүй гээд хаях хүсэл эрмэлзлэл бий болсон бол таны зөв, чадна гэх урам тэмүүлэл үүссэн бол бас л таны зөв. Учир иймд шамдаж, шимтэж, дурлаж, бүтээхийг хүсч байгаа зүйлсээ өөрийнхөөрөө БҮТЭЭ.
Алдлаа гээд танд нэг сайхан дурсамж л үүснэ. Бусдын төлөөх зүтгэл хичээл танд туршлага болон үлдэж, түүхэн амжилтын чинь эхлэл цэгийг тавьдаг гэдэгт итгээрэй. Насаараа нэг хэвийн хэвшмэл хэв загварт эрэмбэлэгдсэн, өмнөх үеийнхний чинь өөрийг нь дэмжихгүй байдаг, чиний сэтгэл зүрхийг сорж, урам өгдөггүй нөхдөөс хөнгөхөн хагацаж, тэдэнд нэгээхэн хугацааны тань амьдралын тойргийн бурууг таних сайн туршлага болсонд нь талархаад үүдийг нь хаа.
Хөгжил цэцэглэлт гэдэг бол хөрөнгөтөн болж, хөрөнгийн төлөөх хөлс хүч урсгаж байгаа хэрэг огтоос биш, хамааралтай бүхэн хамаарлыг үүсгэж, чиний дурлаж, хүсч тэмүүлсэн уянгын тойрог нэг мэдэхэд чамайг гарах гарцгүй болгож, жирийн л нэг хийрхэл, хэнээрхлийн намаг балчиг болсон байх болно.
Хайрынхаа төлөөх үйлс бүхэн, гэр бүлдээ зарцуулж байгаа цаг хөлс хүч бүр өрх гэрийн тэргүүн ч бай, хайр энэрлийн ундрага гэргий ч бай, хайрлан энхрийлүүлж байгаа үрс ч бай гэр бүлийн гишүүн бүрийн хувьд үнэт хором мөч байдаг. Түүхийн хуудсын хүрдэнд бүдгэрч, шаргалттаггүй тод дурсамжийн цомгийг хайрынхаа хүчээр, хайрынхаа эд эсээр гэр бүлийн гишүүн бүр бүтээдэг.
Таны хүүхэд насны, сурагч, оюутан цагийнхаас эхлээд ажлын гарааны цэг, ажлын талбарт унаж, бас сурч, мандаж байсан тэр үес ч мөн л түүхийн сайхан дурсамжийн тань нэгээхэн хэсэг байдаг.
Бусдад урам тэмүүлэл өгч, болохгүйд бүдэрсэн найздаа, урам хугарсан ажилтандаа, БУРАМ шиг УРАМ өгөх үгсийг харамгүй илгээж байгаарай.
Харилцаа хандлагыг төгөлдөржүүлэх увьдас хүн бүрийн зүрхэнд бий. Санаанд оромгүй цаг хугацаанд хэн нэгэнтэй шалтгаангүйгээр мэндчилж, бусдыг сонсож, бас тэднийг умартаагүй, мартаагүй, таны миний төлөөх хийсэн тухайн цаг хормын сайны гэрч болж байсанд нь ч гэсэн талархаж байдаг гэдгээ бусдад хэлж, тэднийг мартаагүй, хамт нэг агаараар амьсгалж, нэг нарын доор байгааг нь мэдрүүлж байгаарай.
Хэрэгцээнд тулгуурлаж үүссэн нөхөрлөл, хийрхэлд автаж, зүгээ умартаж, тушаалд шунаж, шунагийн орон зайд дэвэх хоосон сэтгэлт хэн бүхнийг бүү буруутга. Тэдний зам шулуун дардан, хурдасгуурт хөтөлбөр, эсвэл бүр цахилгаан шатаар ахиж, нисдэг тэргээр товчилсон ч бидний амьдрах хүрдний жам ёсны эхлэл төгсгөл ижил тавилантайг сана.
Бусдын гэрлийг дагаж, сүүдэрт нь хоргодохоос илүүтэй, чиний гэрлийг дагаж, хамт гэрэлтэх хэн нэгэнтэй хамтдаа ХӨГЖ.
Бодлын далайгаас шүүрдэж, хэсэг хоромд бодлоо сийрүүллээ.
Эшлэл үгс бүрээс өөрийгөө хайж, бас бусдыг олж харахыг хичээгээрэй.
(доох зураг бүхий эшлэл үгсийг google хайлтын илэрцээс эшлэв)
Эх оронд нь түүнийг “хамгийн шилдэг Британи хүн” гэж нэрлэдэг бөгөөд дэлхий дахинд тэрээр зальтай, ухаалаг, эсрэг талынхнаа элдэв хорон егөөт үгээр амыг нь хаадаг хүн гэж алдаршсан билээ. Ингээд түүний хэлсэн алдартай хурц, егөөдөл бүхий ухаалаг үгсийн цуглуулгыг сонирхуулая.
Эх сурвалж: news.xopom.com/114605/
Comments