Би ТИС-ийн Холбооны сургууль төгссөн.

Оюутан цаг: 2003 оноос эхэлсэн 4 хавар, 4 намрын шуугиант мөчүүд одоо ч чихнээ жингэнээстэй. 5-р сарын 18 бол бидний дурсамжит мөнгөн хонхын баяраа тэмдэглэсэн өдөр тул оюутны найзууд бүгдээрээ энэ өдөр бие биенээ дурсан, нэг нэгэндээ баяр хүргэж хэвшээд хэдийнээ 5 жил өнгөрчээ.  Хоолонд минь залгуулж өгсөн сургуультайгаа амь нэгтэй төгсөгч байхыг хүн бүр л боддог байх. Би ч хувьдаа тийм л үзэлтэй нэгэн. Сургуулийн захирал Дамдинсүрэн багштайгаа 2004 оноос эхлэн танилцаж, багш шавийн сайн харилцааг эрхэмлэн өдийг хүрсэн. Нөмөртөй нөөлөгтөй энэ эрхэмтэй сар шинээр мэнд мэдэн золгож, хууч хөөрөн суух сайхан байдаг юм.  Сургуулийнхаа оюутан залуусын сайн сайхны төлөөх альваа үйлсийг дэмждэг байсан нь сайшаалтай. Би сургуулиараа бахархдаг. Үе үеийн төгсөгчид ч бас л ингэж хэлдэг.   http://erdmiin-inder.blogspot.com/ 

Доор өгүүлэх мэдээлэл, мөн сонирхолтой хэдэн гэрэл зургийг сонирхоно уу. Сургуулийн төгсөгчид сэтгэгдлээ үлдээх биз дээ. 

Үүрэн холбооны тэргүүлэгч оператор Мобиком Корпораци Монголд харилцаа холбооны салбарын  ирээдүйн боловсон хүчин болох оюутан залууст, Мобикомын хэрэглэгчдэд үйлчилж, Монгол улсын 21 аймгийг сүлжээгээр хангаж байсан сайтын төхөөрөмж, радио байгууламж, дамжуулах байгууламж, зай тэжээлийн төхөөрөмж бүхий иж бүрэн компьютержсон, техник хэрэгсэл бүхий лабораторийг ШУТИС-ийн Холбоо Мэдээллийн Технологийн сургуульд бэлэглэлээ.

      

Энгийнээр хэлбэл тус сургуулийн оюутан суралцагсад өнөөдрөөс эхлэн зөвхөн онолд тулгуурлах бус өөрсдийн шийдэл бүхий туршилтыг сургуулийн танхимдаа туршиж, ажлын байрандаа бүрэн бэлтгэгдсэн боловсон хүчин болж очих боломж нээгдэж байгаа юм. 

      

Нийгмийн хариуцлагыг хэрэгжүүлэгч Мобиком Корпорацийн боловсролын салбарт хийж байгаа ээлжит хөрөнгө оруулалт нь харилцаа холбооны боловсон хүчнийг дангаараа бэлтгэдэг тус сургуулийн хувьд салбарын хөгжлийг хурдасгахад чухал ач холбогдолтой гэж салбарын багш мэргэжилтнүүд дүгнэж байлаа.  http://must.edu.mn/beta3/menu1 

   

ШУТИС-ын МХТС бол мэдээлэл харилцаа холбооны салбарт үйл ажиллагаа явуулж байгаа тэргүүлэх бизнесийн байгууллагуудын боловсон хүчнийг нь бэлдэж өгдөг үндсэн сургуулийн нэг юм. Мобиком корпорацийн 200 орчим техникийн ажиллагсдын 80 орчим хувийг тус сургуулийг төгсөгчид бүрдүүлдэг гэсэн тоо байдаг. Энэ лаборатори нь шинээр станц байгуулах, сүлжээ оруулах бүхий л төвшний дадлагыг хийх боломжтойгоос гадна суралцагч нь радио байгууламж, дамжуулах байгууламж, зай тэжээлийг төхөөрөмжийн үйл ажиллагааг задлан шинжлэх, үйлдэл, бүтэц, үүргийг хянах зэрэг дадлагуудыг хийх боломжтой.  http://www.sict.edu.mn/ 

Өөрөөр хэлбэл салбарын суралцагсдын хувьд  бодит системд холбогдож, хэрэглэгчийн тоо системийн ачаалалд хэрхэн нөлөөлөх, орон нутагт сүлжээ байгуулах зэрэг үйл ажиллагааг хяналтын төв баазад холбогдон туршиж үзэх, өндөр давтамжийг системд задлан шинжилдээ хийх, хянах, холбооны станцын үйл ажиллагаа бүтэц үүрэгтэй нэг бүрчлэн танилцах шалгах зэрэг үйлдлүүдийг өөрсдийн гараар турших боломж оюутанд нээгдэж байна. 

Энэхүү лабораторийг хүлээлгэн өгөх нээлтийн ажиллагааны үеэр Мобиком Корпораци болон холбооны салбарын ирээдүйг тодорхойлогч мэргэжлийн боловсон хүчнийг бэлтгэн гаргадаг ШУТИС-ийн Холбоо Мэдээллийн Технологийн сургуулийн удирдлагууд хамтран ажиллах санамж бичигт гарын үсэг зурж, баталгаажууллаа. 

"Эрдмийн Индэр" клубын гишүүд Захирал Б.Дамдинсүрэн , МШХХТГ-н дарга Ш.Сайханбилэгийн хамт  / Цахим Монгол уулзалтын дараа/ 

Миний оюутан үеийн сургуулийн удирдлагууд: Б.Дамдинсүрэн, О.Балдангомбо, Н.Эрдэнэхүү, Б.Сүхбаатар, гадаад хэлний Г.Баярмаа, Буянтай буурал Цогоо /агсан/ багш нартаа маш их баярладаг. 

Арго нөхөр ирж оюутнуудтай хэлний тухай их хөөрсөөн. тухайн үедээ од байсан юм. урилгыг минь хүлээн авсанд нь баярладаг юм.

Сургуулийнхаа багш нарыг хуримынхаа арга хэмжээнд урьж, цаг завтай хэд нь л ирсэн юм.

Ганбаа ахтай энд тэнд их л таардаг болсон үе. уулзалтын үеэр гишгэх газаргүй шахуу байсан даа. 2 ч удаа нижгэр лекц зохион байгуулсан юм даг.