Оюутны "ЭРДМИЙН ИНДЭР" клуб ШУТИС-н шилдэг клубээр дахин дахин шалгарч, бидний асаасан эрдмийн бамбар бадарсаар байгаад хуучин үүсгэн байгуулж байсан бидний 9 найз талархалтай ханддаг юм. Сургуулийн эрдэм шинжилгээний бага хуралд боломжоороо дэмжин ажиллаж, шилдэг илтгэгч оюутан, тэргүүн байрныханд Мобикомын гарын бэлэг гардуулж ажиллаж байдаг юм. Залуусын цохилох зүрх эх орныхоо маргаашийн төлөө тэмүүлж байдаг гэдэгт би итгэдэг.
Клубүүдийн нэгдсэн зөвлөлийн нээлттэй өдөрлөг болов
Нийтэлсэн | 2011 11 18 11:04:23
ШУТИС-ийн Оюутны холбооны Клубүүдийн нэгдсэн зөвлөлийн нээлттэй өдөрлөг 2011 оны 11 дүгээр сарын 09-ний өдөр хичээлийн 2-р байранд амжилттай болж өндөрлөлөө. Өдөрлөгт Соёл хүмүүжлийн албаны Дуулаачийн клуб, Бүжгийн клуб, Амьд хөгжмийн клуб, ЭХИС-ийн Сэргээгдэх эрчим хүчний клуб, УУИС-ийн Хөгжлийн ирээдүй клуб, ГХХАА-ны Speaking club, ҮТДС-ийн Хос морь шатрын клуб, Хүний нөөц менежментийн албаны Must sea кино клуб, МХТС-ийн Эрдмийн индэр, Sys & Co Tech, High Tech клуб болон Багшийн туслах клуб гэсэн нийт 12 клуб оролцож өөрсдийн үйл ажиллагааны чиглэлээр танилцуулга хийж гишүүнчлэл хийсэн юм.
Түүнчлэн 2011 оны 10 дугаар сарын бүтээлч клуб шалгаруулах сарын аянд амжилттай оролцсон клубүүд үйл ажиллагааны төсөв авах эрхээр шагнагдлаа. ШУТИС-ийн Оюутны холбооны Клубүүдын нэгдсэн зөвлөлд бүртгэлтэй 50 орчим клубээс идэвхитэй үйл ажиллагаа явуулж байгаа нь 20 орчим клуб байна. Эдгээр клубүүдийг дэмжиж хамтран ажиллах нь Клубүүдын нэгдсэн зөвлөлийн цаашдын үйл ажиллагааны чиглэл юм.
Comments